Policia u detyrua të zbrazë një supermarket në Francë pasi klientët nuk pranuan të largoheshin kur nuk arritën të blinin televizorë me çmimin shumë të ulët të etiketës.
“Géant Casino” në qytetin jugor të Montpellier aksidentalisht etiketoi TV me çmimin 30,99 € në vend të 399 € të mërkurën. Supermarketi nuk pranoi të japë produktin me atë çmim, prandaj klientët bllokuan arkën, duke kërkuar që të lejoheshin të blinin televizorët.
Dhjetëra oficerë policie u thirrën për të ndihmuar në zbrazjen e dyqanit.
Imazhet dhe videot e postuara në mediat sociale tregojnë klientët në arka që refuzojnë të largohen.
Sipas kodit të konsumatorit, çdo shitës duhet ta japë produktin me çmimin e shfaqur edhe nëse është për shkak të një gabimi të etiketimit. Sidoqoftë, nëse çmimi është qartë një gabim i dukshëm, atëherë shitësit mund të refuzojnë të shesin.
Ka pasur raste në të kaluarën kur bizneset kanë zgjedhur të respektojnë çmimin e gabimit.
Janarin e kaluar, linja ajrore me bazë në Hong Kong, "Cathay Pacific", shiti gabimisht vendet e klasës së biznesit në fluturimet e gushtit nga Vietnami në Nju-Jork për 675 dollarë në kthim.
Çmimet në të njëjtën rrugë në korrik dhe shtator ishin 16 000 dollarë. Linja ajrore njoftoi më vonë se do të ruante çmimet e ofertës. /BBC/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
