Dy nga favoritët e Eurovision 2024, Ukraina dhe Kroacia, u kualifikuan mbrëmë në finalen që do të zhvillohet të shtunën në Malmo të Suedisë.
Në fund të gjysmëfinales së parë, të vendosur nga vota e publikut, u kualifikuan edhe Serbia, Portugalia, Sllovenia, Lituania, Finlanda, Qiproja, Irlanda dhe Luksemburgu.
Ata i bashkohen gjashtë vendeve tashmë në finale, mbajtësja e titullit Suedia dhe pesëshes së përhershme Gjermania, Spanja, Franca, Italia dhe Mbretëria e Bashkuar.
Izraeli do të marrë pjesë në gjysmëfinalen e dytë që do të zhvillohet nesër.
Disa protesta janë planifikuar për të kërkuar përjashtimin e tij nga konkursi i këngës, pas kritikave për luftën në Rripin e Gazës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
