Ndërsa Europa po përballet me temperatura të ulëta dhe stuhi bore, Australia “përvëlohet” nga i nxehti. Katër ditët e fundit kanë qenë ndër më të nxehtat, bëri të ditur Zyra Meteorologjike e Australisë. Në Port Augusta, Australia Jugore, termometri shënoi 48.5 gradë celcius të martën, temperatura më e lartë që nga viti 1962, kur kanë nisur regjistrimet.
Në qytetin Tarcoola, temperatura arriti në 49 gradë celcius.
Në veriperëndim të Australisë, në qytetin Marble Bar, prej 22 ditësh, temperaturat janë mbi 40 gradë.
Vala e të nxehtit pritet të zgjasë deri të premten.
Autoritetet u kanë bërë thirrje të moshuarve, fëmijëve dhe të sëmurëve kronikë të shmangin mjediset e jashtme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
