Reshjet e dendura të shiut që kanë rënë dhe vijojnë të bien në zonën e Leskovikut dhe Përmetit prej ditës së djeshme dhe në vijim ka bërë që prurjet në lumin Vjosa të jenë të mëdha duke bërë që në disa pika të ketë dhe dalje nga shtrati.
Në këto momente shirat vijojnë të jenë me intensitet të lartë në zonën e Çarshovës dhe në majën e Pindit. Në zonën e Përmetit niveli i Vjosës ka arritur 5.3 m ndërkohë që pika kritike është 5.4 metër.
Niveli i lumit Vjosë në Novoselë aktualisht ka sjellë edhe përmbytjen e tregut të gjësë së gjallë në Novoselë.
Kjo situatë mund të sjell përmbytje në orët në vijim ndërkohë që situata po monitorohet në terren, dhe pikërisht në urën e Mifolit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
