Presidenti serb mbështet gjetjen e një zgjidhjeje që do të sillte stabilitet në Ballkan në terma afatgjatë.
“Nëse vendosim boshtin e paqes dhe stabilitetit në linjën “veri-jug” – në mes dy popujve më të mëdhenj në Ballkanin Perëndimor –shqiptarët dhe serbët, për 100 vitet e ardhshme do t’i zgjidhinim 80 për qind të problemeve tona politike. Për këtë jam i gatshëm të marr pjesë në gjetjen e zgjidhjes me kompromis për Kosovën”, deklaroi presidenti serb, Aleksandar Vuçiç.
Sipas tij, nga kjo zgjidhje nuk do të jenë të kënaqura të dyja palët, sepse vetëm një zgjidhje e tillë mund të negociohet.
“Sot ne nuk vendosim për të kaluarën tonë, por për të ardhmen”, theksoi presidenti serb.
Prandaj, sipas tij, është i rëndësishëm dialogu i brendshëm në Serbi për Kosovën, për të cilin, siç tha ai, ka ftuar të marrin pjesë shumë personalitete nga jeta politike dhe intelektuale në Serbi. (INA)
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
