Departamenti Amerikan i Drejtësisë do të publikojë dokumentin që mund të hedhë dritë mbi arsyet pse FBI kreu një kontroll të paprecedentë në shtëpinë e ish-Presidentit Donald Trump.
Po ashtu do të ofrohen të dhëna pse ish-Shefi i Shtëpisë së Bardhë mori me vete materiale të klasifikuara, në ditët e fundit si President.
Kërkimi i FBI-së më 8 gusht ishte pjesë e një hetimi për keqpërdorimin e mundshëm të dokumenteve që u dërguan në rezidencën e ish-Presidentit. Deklarata përfshin prova të mbledhura nga prokurorët dhe mund të zbulojë detaje të reja rreth hetimit. Por shumë pjesë të betimit ka të ngjarë të fshihen, të redaktohen, pasi Departamenti i Drejtësisë i SHBA tha se detajet në të mund të komprometojnë vijueshmërinë e procesit hetimor.
Presidentëve të SHBA-së u kërkohet të transferojnë dokumente dhe email në Arkivin Kombëtar kur të largohen nga detyra. Donald Trump ka mohuar të ketë bërë ndonjë gjë të gabuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
