Henri Tellharaj, përfaqësues i Këshillit Shqiptar për problemet e lojërave të fatit tha në studion e emisionit “MCN Economy” se paratë e fituara nga bastet sportive duhet të shkojnë vetëm për sportin dhe shëndetësinë.
Duke vijuar më tej me shpjegimin e tij, Tellharaj theksoi se problemi i varësisë nga bastet nuk është tentuar kurrë të trajtohet, por është anashkuar.
Tellharaj bëri me dije se janë çuar rekomandime për ngritjen e qendrave rehabilituese dhe këshilluese.
Jemi në momentin më të mirë për të krijuar një ligj që në bazë të ekspertizës së bërë, ka mundësinë që të jetë ligj i shkëlqyer në të gjithë dimensionet. Mundësia është që të sjellim më të mirën nga e gjithë përshtatja e ligjeve jo vetëm evropiane, por ligjeve më të sofistikuara.
Së pari është e rëndësishme që të tregojmë seriozitet, fenomeni i problematikave të ardhura nga lojërat e fatit është i madh. E para është parandalimi.
Kemi lobuar për rritjen e informacionit. Lojërat e fatit nuk janë burim fitimprurës, mund të jenë argëtuese. Lojërat e fatit janë burim rekreacional, por jo për të fituar, e për t’u bërë të pasur individët.
Është e rëndësishme të krijojmë struktura mbrojtëse ndaj këtij fenomeni. Problemi i varësisë nuk është tentuar të trajtohet, por është anashkaluar dhe si pasojë e kësaj gjëje kemi ardhur këtu.
Për të parandaluar kemi çuar rekomandime për ngritjen e qendrave rehabilituese dhe këshilluese. Janë në proces diskutimi. Është e rëndësishme që kur individët ndjejnë se kanë probleme të kenë një dritare për të vlerësuar vetën dhe familjarët një dritare ku të drejtohen. Propozojmë të ngrihet një mbrojtje hermetike.
Lekët e fituara duhen ndarë për sportin dhe shëndetësinë e mbrojtjen sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
