Një bandë hajdutësh shqiptarë është goditur nga policia italiane, e cila ka vënë në pranga pesë prej tyre.
Ata vidhnin gjithçka, që nga bizhuteritë e familjeve, orët, koleksionet e monedhave, enët e agjendit, unazat e martesës e deri te makineritë e kafes e makinat e parkuara në garazhe.
Një hetim i prokurorisë së Torinos çoi në arrestimin e pesë shqiptarëve, të cilët akuzohen për të paktën 36 vjedhje në tre muaj, që nga marsi deri në qershorin e vitit 2016.
Vjedhjet janë kryer në provincat e Astit, Cuneo-s e Torinos, por hetuesit thonë se mund të ketë edhe raste të tjera.
Banda hapte dyert dhe dritaret e shtëpive, brenda të cilave kryente vjedhje gjatë natës, kur pronarët ishin në gjumë.
Në disa raste, të zotët e shtëpisë ishin zgjuar, por ishin përballur me kërcënimin me jetë nëse nuk ktheheshin në shtrat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
