Ministri i Punëve të Brendshme, Fatmir Xhafaj, ndodhet në Trieste të Italisë, ku po merr pjesë në konferencën ndërministeriale IPA mbi Ballkanin Perëndimor.
Në konferencën përmbyllëse të projektit IPA 2013 ‘Lufta kundër Krimit të Organizuar, Bashkëpunimi Ndërkombëtar për Drejtësi Penale në Ballkanin Perëndimor”, marrin pjesë ministrat e Brendshëm të vendeve të Ballkanit Perëndimor, ambasadorët në këto vende si edhe drejtuesit e policive.
Duke e konsideruar këtë takim shumë konstruktiv, në fjalën e tij Xhafaj ka bërë të ditur objektivat konkrete dhe strategjike të vendit tonë në kuadër të luftës ndaj krimit të organizuar.
Gjatë konferencës, u diskutua për rritjen e mëtejshme të bashkëpunimit mes strukturave të rendit në rajonin e Ballkanit Perëndimorë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
