Ish-ushtaraku, Petrit Myftiu, ka ndërruar jetë në spitalin “Shefqet Ndroqi” si pasojë e Covid-19. Myftiu ka qenë një nga kuadrot kryesorë të Flotës Luftarake Detare Shqiptare.
Ai e filloi karierën nga kapiten nëndetëseje në moshën 23-vjeçare dhe më pas ishte Shef i Shtabit të Brigadës Nëndetëse Vlorë.
Më vonë ka kaluar në Durrës si Komandant i Bazës Ushtarake Detare në Bisht Palle. Në përfundim të karrierës së tij ka qenë Drejtor i Flotës Tregtare të Shqipërisë me qendër në Durrës.
Petrit Myftiu ishte infektuar ditët e fundit me virusin covid-19, ndërsa nuk ka mundur ta mposhtë. Ai ka qenë i intubuar në spitalin COVID 2, ndërsa mëngjesin e sotëm ai ka humbur jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
