Pronari i një restoranti përfundoi në pranga pasi rreth 70 persona nga Bajram Curri u paraqitën në spital me simptoma helmimi.
Policia njofton e ka arrestuar pronarin e restorantit, i cili akuzohet per “Prodhim dhe shitja e ushqimeve dhe e lëndëve të tjera të rrezikshme për shëndetin”.
Informacioni i policise
Më datë 18.07.2017, specialistët e Seksionit të Hetimit Krimeve në Komisariatin e Policisë Tropojë, arrestuan në flagrancë shtetasin; Dashmir P, 47 vjeç, banues në Gjakovë, Kosovë. Arrestimi i këtij shtetasi u bë pasi;
Më datë 18.07.2017, në spitalin e Bajram Currit janë paraqitur 70 persona për të marrë ndihmë mjeksore, pasi dyshohet se janë helmuar nga ushqimi. Nga kryerja e veprimeve të para hetimore ka rezultuar se këta shtetas kanë konsumuar ushqim në lokalin (restorantin) e shtetasit Dashmir P, në lagjen “28 Gushti”, në qytetin e Bajram Currit.
Në lidhje me ngjarjen janë kryer veprimet proceduriale në bashkëpunim me specialistët e AKU-së, Drejtorisë së Shëndetit Publik Tropojë, ku janë marrë mostrat për kryerjen e ekzaminimeve përkatëse. Materialet i kaluan Prokurorisë së Rrethit Gjyqësor Tropojë, për veprat penale ” Prodhimi dhe shitja e ushqimeve dhe e lëndëve të tjera të rrezikshme për shëndetin” dhe “Kontrabanda me mallra të tjera”, parashikuar nga nenet 288 dhe 174 të K.Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
