Stuhitë e shiut boshatisin plazhet/ Largohen pushuesit, trafik i rënduar në Vlorë e Shëngjin

<p>Pas ditëve ku temperaturat ishin të larta, këtë të shtunë vendi ynë është përfshirë nga reshjet e shiut. Qyteti bregdetar i Vlorës është përfshirë në një stuhi shiu, ku pushuesit nuk kanë mundur të bëjnë plazh.</p> <p>Edhe ata që i ishin drejtuar plazheve që prej orëve të para të mëngjesit, janë detyruar të kthehen në banesa. Si pasojë ka pasur edhe trafik të rënduar.</p> <p>Moti i keq me stuhi dhe reshje ka përfshirë edhe rajonin e Lezhës. Kjo ka bërë që plazhet në Shëngjin të boshatisen këtë fundjavë të parë të muajit gusht.</p> <p>Çadrat dhe zhezlongët janë të mbyllura, ndërsa dhe deti është me dallgëzim të lartë. Pushuesit po qëndrojnë në hotele dhe banesa, ndërsa ka dhe prej atyre që janë larguar.</p> <p>Ndërkohë, nisur nga situata meteorologjike Policia Kufitare ka apeluar pushuesit që mos të dalin në det dhe të mos përdorin mjetet lundruese.</p> <p>Sipas policisë, aktivitetet në plazh duhet të shmangen, pasi deti ka dallgë me përmasa të mëdha që mund të rrezikojnë seriozisht jetën e tyre.</p> <p>&nbsp;</p>