Ka shkuar në tre numri i viktimave i ngjarjes së rëndë të nisur mëngjesin e sotëm në Roskovec dhe të vijuar përgjatë ditës.
55-vjeçarja Belere Plaka ka ndërruar jetë pasditen e sotme në spital, pasi gjendja e saj u rëndua pas operacionit disa orësh që iu nënshtrua.
Krimi i rëndë ndodhi mëngjesin e sotëm në fshatin Vidhisht të Roskovecit, ku 35-vjeçari Nertil (Refit) Buzi vrau ish-vjehrrin e tij Kosta Plaku 58 vjeç dhe plagosi ish-vjehrrën e tij.
Ndërkohë pasditen e sotme, rreth orës 16.35, 35-vjeçari i dha fund jetës me armë zjarri duke refuzuar dorëzimin, teksa ishte mbyllur në makinën e tij dhe ishte rrethuar nga policia.
35-vjeçari, shkoi në banesën e ish-të fejuarës së tij, Rozalinda Plaku duke qëlluar me armë drejt familjarëve të saj.
Më tej ai mori me forcë ish-të fejuarën në makinë, për ta liruar pak orë më vonë gjatë operacionit të policisë.
Situata ishte përkeqësuar pas ndarjes së çiftit, ku 35-vjeçari nuk e pranonte dot refuzimin e Rozalindës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
