Deklaratat e lëshuara nga "zyrtarë anonimë të Pentagonit" në lidhje me një "sulm me prerje kokash" në Kremlin flasin për një kërcënim për tentativë për vrasje të Presidentit Vladimir Putin, tha ministri i Jashtëm rus Sergej Lavrov në një intervistë për agjencinë e lajmeve Tass.
"Disa 'zyrtarë anonimë' të Pentagonit në fakt kanë shprehur kërcënimin e kryerjes së një sulmi ndaj Kremlinit, që në fakt është një kërcënim për tentativë për vrasjen e presidentit rus," tha Lavrov.
“Nëse ide të tilla artikulohen nga dikush, atëherë ky dikush duhet të mendojë më mirë për pasojat e mundshme të planeve të tilla”, tha ministri i Jashtëm rus.
"Kursi politik i Perëndimit, i cili synon shtypjen totale të Rusisë, është jashtëzakonisht i rrezikshëm: ai paraqet rreziqe të një konfrontimi të drejtpërdrejtë të armatosur midis fuqive bërthamore”, shtoi ai.
Ministri i Jashtëm rus theksoi se Moska ka deklaruar vazhdimisht se nuk mund të ketë fitues në një luftë bërthamore dhe se ajo "nuk duhet të nisë kurrë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
