Kreu i LSI-së, Petrit Vasili, nuk e sheh të pamundur shtyrjen e zgjedhjeve. Në një intervistë në “Neës 24”, kreu i partisë më të madhe aleate të PS-së u shpreh se nuk është tabu shtyrja e zgjedhjeve.
I pyetur nëse ka dijeni për një skenar të mundshëm që do t’i shtynte zgjedhjet deri në tetor, Vasili tha: “Nuk e njoh një skenar të tillë. Nga ana kushtetuese më duket jo realist, por nuk mendoj që është tabu nëse zgjedhjet zhvillohen disa javë më parë dhe disa javë më pas. Qëllimi ynë është të realizojmë zgjedhje me standarde në 2017”.
Sipas tij, ka ende hapësirë që PD-ja të dialogojë. “Nuk e shoh 13 majin si ditën e përjashtimit të dialogut. Opozita pavarësisht dimensionit të protestave, ka demonstruar qasje paqësore. Së paku kjo është për t’u vlerësuar pozitivisht. Shanset për dialog janë”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
