Gjenerali i ri rus i ngarkuar me operacionet në Ukrainë ka thënë se reformat ushtarake do t'i përgjigjen zgjerimit të mundshëm të NATO-s dhe "Perëndimit kolektiv", të cilin ai e akuzoi për një luftë hibride kundër Moskës.
Në komentet e tij të para publike, Valery Gerasimov, shefi i shtabit të përgjithshëm ushtarak të Rusisë, pranoi problemet me mobilizimin e trupave dhe sfidat më të gjera në konfliktin që filloi 11 muaj më parë.
"Sistemi i trajnimit mobilizues në vendin tonë nuk ishte plotësisht i përshtatur me marrëdhëniet e reja moderne ekonomike," tha Gerasimov për faqen e lajmeve Argumenty i Fakty, në komentet e botuara vonë të hënën.
Reformat ushtarake të njoftuara në mes të janarit mund të përshtaten për t'iu përgjigjur kërcënimeve të sigurisë, paralajmëroi ai.
"Sot, kërcënime të tilla të sigurisë përfshijnë aspiratat e Aleancës së Atlantikut të Veriut për t'u zgjeruar në Finlandë dhe Suedi, si dhe përdorimin e Ukrainës si një mjet për të zhvilluar një luftë hibride kundër vendit tonë," tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
