Profesori i Shkencave Politike, Ilir Kalemaj, ishte i ftuar në emisionin "Të Paekspozuarit" në MCN TV, ku foli për luftën në Ukrainë dhe asimetrinë e dy ushtrive që po përballen me njëra tjetrën. Kalemaj tha se pavarësisht kësaj asimetrie, rusët kanë dështuar të marrin qytetet e mëdha.
Ka asimetri të qartë për ushtrinë konvencionale, Rusia ka trefishin. Kemi asimetri sa i përket mjeteve të blinduara, artilerisë. Rusia i kishte shpresat që nëpërmjet një sulmi blitz të merrte Kievin. Përveç Krimesë, ka një pjesë të Donbasit. Rusë etnikë në Donbas ka vetëm 28%. Por, Rusia ka dështuar të kontrollojë qytetet e mëdha.
Kemi asimetri të mjeteve të blinduara, anijet në detin e zi, dhe së fundmi Britania e Madhe ka nënshkruar një marrëveshje për 4 flotë anije në detin e zi për ushtrinë ukrainase e cila nëse do të rezistojë 2-3 javët e para atëherë do të kemi një luftë të gjatë guerrilase.
Rusia i kishte të gjithë shpresat që të pushtonte Kievin dhe të nxirrte jashtë loje qeverinë ukrainase dhe më pas të arrinin një traktat paqeje dhe kthimin e Ukrainës në një shtet neutral. Këtë synonte Rusia, por duke hasur në rezistencë ndryshoi strategji.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
