Rusia po shikon një bazë të re të përhershme detare në bregun e Detit të Zi të Abkhazisë, ka thënë një zyrtar nga rajoni, pasi imazhet satelitore treguan se flota e Presidentit Vladimir Putin në Detin e Zi po largohet nga Krimeja e pushtuar.
Aslan Bzhania, udhëheqësi i rajonit të shkëputur gjeorgjian të Abkhazisë, u takua me Putin të mërkurën.
Të nesërmen Bzhania i tha gazetës ruse Izvestia: "Ne kemi nënshkruar një marrëveshje dhe në të ardhmen e afërt do të ketë një pikë të përhershme të vendosjes së marinës ruse në rrethin Ochamchira. E gjithë kjo ka për qëllim rritjen e nivelit të aftësisë mbrojtëse të Rusisë dhe Abkhazisë dhe ky lloj ndërveprimi do të vazhdojë. Ka edhe gjëra për të cilat nuk mund të flas”.
Kremlini nuk ka komentuar. Vërejtjet e Bzhania erdhën ndërsa imazhet satelitore të datës 1 dhe 2 tetor, të shpërndara nga tre blogerë ushtarakë rusë të mërkurën, tregojnë se disa nga anijet më të mëdha të flotës së Detit të Zi janë ripozicionuar nga porti i Sevastopolit në Krime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
