Një oficer policie në Britani i vuri gjobë vetes aksidentalisht. Në formularin ku konstatohet shkelja (taksa të papaguara), ai gabimisht shkroi emrin e vet, në vend që të shkruante atë të pronarit të mjetit. Polici që kryen detyrën si pjesë e njësisë së policimit të rrugëve në West Yorkshire, Britani, u ofrua për ta paguar vetë gjobën. Ligji parashikon se në rast të mosshlyerjes së gjobës prej 81 paund, ai do të dalë para gjyqtarëve.
Episodi është bërë publik falë një postimi që kolegët e tij kanë bërë në Tuiter. Duke bërë shaka, ata shprehen në postim se ky është një rast për të festuar. “Një dëfrim në zyrë, pasi një nga kolegët tanë plotësoi gabim formularin, duke gjobitur veten për taksat e pashlyera të makinës së dikujt tjetër”, shkruajnë ata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
