Kryetari i Kuvendit, Ilir Meta, ndodhet për një vizitë dyditore në Austri, ku është pritur nga Presidentja e Parlamentit Austriak, Doris Bures. Gjatë bashkëbisedimit, Meta dhe Bures e kanë vënë theksin te reforma në drejtësi dhe rëndësia e saj për luftën kunder korrupsionit dhe kredibilitetin e vendit.
Dy zyrtarët kanë vlerësuar marrëdhëniet e ngushta tradicionale të dy vendeve. Kryeparlamentari Meta shprehur mirënjohje të thellë për Austrinë, e cila ka ndihmuar vendin tonë.
“Mirënjohje të thellë Austrisë për mbështetjen e pandalur ndaj integrimit. Mbështetemi tek përkrahja e Austrisë në rrugëtimin tonë europian. Mbështesim plotësisht prioritetet e Presidencës Austriake të OSBE. Vlerësoj Strategjinë e Bashkëpunimit për Zhvillim të Përbashkët 2015-2020”, tha Meta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
