Eman Ahmed Abd El Aty, e cila mendohet se ka qenë gruaja më e shëndoshë në botë, ka ndërruar jetë vetëm pak kohë pas ditëlindjes së saj të 37-të.
Ahmed vuante nga një çrregullim i rrallë i tiroides, e cila i kishte prekur metabolizmin, me një seri ndikimesh negative në zemër, veshka dhe sistemin e frymëmarrjes.
Ahmed kishte udhëtuar nga Egjipti në Mumbai për një trajtim më të specializuar.
Ajo peshonte 504 kg kur u shtrua në spital dhe humbi 250 kg pas një operacioni.
Para se të kryente ndërhyrjen, ajo nuk kishte dalë nga shtëpia për 25 vjet me radhë për shkak të pamundësisë për të lëvizur.
Operacioni që ajo kreu ishte praktikisht heqje e një pjese të stomakut,q ë u pasua nga një dietë e cila konsistonte në ushqime të lëngshme.
Ahmed u transferua në Burjeel Hospital në Abu Dhabi pas debateve të familjarëve dhe titullarëve të spitalit në Mumbai lidhur me koston e trajtimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
