Aktori amerikan Richard Gere vizitoi të premten 121 emigrantët e bllokuar që javën e kaluar në Mesdhe, pasi ekzekutivi i Bashkimit Evropian u kërkoi vendeve anëtare të tregonin solidaritet në gjetjen e një zgjidhjeje.
Me në një varkë të pajisur me një flamur ku shkruhej "Ju nuk jeni vetëm", ylli 69-vjeçar i Hollivudit solli ujë dhe furnizime të tjera në anijen “Open Arms” dhe foli me disa nga emigrantët për përvojën e tyre të ikjes nga Libia e shkatërruar nga lufta.
"Gjëja më e rëndësishme për këta njerëz është që të zbresin nga varka dhe të fillojnë një jetë të re. Ju lutemi na përkrahni këtu në “Open Arms” dhe ndihmojini këta njerëz, vëllezërit dhe motrat tanë", tha Gere në një video të postuar në internet.
Emigrantët, përfshirë 32 të mitur, u shpëtuan të enjten e kaluar në Barcelona dhe tani anija po lundron në ujërat ndërkombëtare pranë ishullit italian të Lampedusas. Italia dhe Malta refuzuan kërkesën e tyre për zbarkim. /Reuters/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
