Kancelari austriak, Sebastian Kurz, ka humbur një mocion votëbesimi, çka e rrëzon qeverinë e tij pas skandalit “Ibizagate”, pavarësisht se partia e tij doli fituese nga zgjedhjet për Parlamentin Europian.
Mocioni i propozuar nga socialdemokratët, SPÖ, në opozitë, erdhi pasi ish-aleatët e ekstremit të djathtë, FPÖ, deklaruan se do të votonin kundër qeverisë “Kurz”.
Liderja e SPÖ, Pamela Rendi-Wagner, tha se tani është në dorën e presidentit Alexander Van der Bellen të ftojë Parlamentin për të gjetur një zgjidhje për një kabinet tranzitor deri në mbajtjen e zgjedhjeve të reja.
Partia e kancelarit Sebastian Kurz, ÖVP, u rendit e para në zgjedhjet e së dielës për Parlamentin Europian, duke fituar 8 pikë më shumë se në vitin 2014.
Koalicioni ÖVP/FPÖ, i cili drejtonte vendit, u përfshi nga kaosi pasi në mediat gjermane u publikua një video, në të cilën lideri i FPÖ-së, Heinz Christian Strache, shfaqet duke i ofruar kontrata publike një sipërmarrëseje ruse, gjatë një takimi në Ibiza, Spanjë.
Strache, numri dy i qeverisë, dha dorëheqjen menjëherë pas publikimit të videos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
