Presidenti gjerman Frank-Walter Steinmeier urdhëroi sot shpërndarjen e Parlamentit dhe caktoi zgjedhje të reja për 23 shkurt, pas rënies së koalicionit qeveritar të udhëhequr nga kancelari Olaf Scholz.
Kancelari humbi një votëbesim më 16 dhjetor dhe po udhëheq një qeveri të pakicës pasi i ashtuquajturi 'koalicion semaforik' i tre partive 'u shemb' më 6 nëntor pas shkarkimit të ministrit të financave nga detyra.
Për këtë arsye liderët e partive kryesore vendosën të shpallin zgjedhjet parlamentare për 23 shkurt, 7 muaj më herët se sa ishte planifikuar fillimisht.
Kushtetuta gjermane parashikon se i takon presidentit të vendosë nëse do të shpërndajë Parlamentin dhe do të thërrasë zgjedhjet.
Steinmeier kishte 21 ditë për të marrë këtë vendim. Pasi të shpërndahet Parlamenti, zgjedhjet duhet të mbahen brenda 60 ditëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
