Emigrantët afganë dhe sirianë që kryejnë krime në Gjermani do të riatdhesohen në vendet e tyre. Kështu deklaroi sot kancelari Olaf Scholz duke folur para deputetëve të Bundestagut, parlamentit gjerman.
Jam i indinjuar kur dikush që ka kërkuar mbrojtje këtu kryen krime të rënda.
Kriminelë të tillë do të deportohen, edhe nëse vijnë nga Siria apo Afganistani.
Në Gjermani nuk ka vend për kriminelët dhe kërcënimet terroriste.
Në këto raste, interesat e sigurisë së vendit janë më të mëdha se interesat e mbrojtjes së autorit të krimit.
Kancelari tha gjithashtu se Zyra e Brendshme aktualisht po shikonte mënyra praktike dhe ligjore për ta arritur diçka të tillë.
Ministria Federale e Brendshme po punon për të mundësuar deportimin e kriminelëve dhe njerëzve të rrezikshëm në Afganistan dhe Siri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
