Përplasja mes drejtuesit të Lëvizjes "Shqipëria Bëhet" Adriatik Lapaj dhe Endri Shabanit nga Nisma Thurje, të cilët garuan në një koalicion të përbashkët në zgjedhjet e 11 majit, tashmë është e dukshme.
Adriatik Lapaj ka reaguar me anë të një postimi në rrjetet sociale pasi kandidati për deputet i koalicionit në listën e mbyllur Zeqir Kordhoni, i afërm i Endri Shabanit, i dërgoi një letër KQZ-së ku shpreh vullnetin për të pranuar mandatin.
Lapaj thotë se Zeqir Kordhoni dhe nipi i tij Endri Shabani nuk do ta marrin mandatin, "por qameti do ta ndalojnë atë të shkojë në Parlament".
“Nëse Endri Shabani do të mbahet mend kështu në jetën publike, mbarë u shkoftë bashkë me dajon!”, shprehet Lapaj.
Postimi
Është angazhuar gjithë këneta si e si të mos shkoj unë në Kuvend. Po sa tmerr më keni?! O të mjerë, unë nuk pranoj shantazh e as shitem.
Zeqiri (dajo i Endrit) dhe nipi i tij Endri Shabani të cilit i shtriva dorën e bashkimit nuk do marrin asnjë mandat. Qameti do ndalojnë mua të shkoj në Parlament.
Është një popull i tërë dëshmitar se Endri Shabani u angazhua për hapjen e listave dhe doli garant për familjarët e vetë.
Nëse Endri Shabani do të mbahet mend kështu në jetën publike, mbarë u shkoftë bashkë me dajon!
Jam krenar që u luftova nga çdo anë dhe nuk u ndala! U luftova nga Rama, Saliu dhe këta "të rinjtë", deri dhe te ky që e futa në gji...nga të gjithë.
Ndaj meje dhe krejt ekipit të Lëvizjes Shqipëria Bëhet po konsumohet publikisht PADREJTËSI!
Populli do gjykojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
