Amir Ohana, nga radhët e partisë Likud do të jetë kryetari i ri i Parlamentit izraelit. I njohur ndryshe si Knesset, Parlamenti izraelit do të drejtohet për herë të parë nga një homoseksual.
Kandidatura e tij u mbështet nga 63 prej 120 deputetëve, 5 vota kundër dhe një abstenim. I lindur 46 vjet më parë në Beer Sheva (Negev), me profesion jurist, Ohana ka qenë ministër Drejtësie dhe ministër i Sigurisë së Brendshme në vitet e kaluara.
Benyamin Netanyahu ka punuar shumë për të mbështetur kandidaturën e tij, njëkohësisht për t'i dërguar një mesazh pajtues komunitetit LGBT, i cili ka frikë nga pasojat negative me kushtetutën e qeverisë së re, e cila mbështetet nga dy parti ortodokse dhe tre lista nacionaliste të ekstremit të djathtë, njëra prej të cilave me tendencë homofobe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
