Një tërmet me magnitudë 7.3 ballë i shkallës rihter, u regjistrua në rajonin Tohoku në verilindje të Japonisë.
Lëkundja e fortë e tërmetit u identifikua nga Agjencia Meteorologjike Japoneze, e cila lëshoi një paralajmërim për tsunami, teksa e klasifikoi intensitetin e goditjes në shkallën maksimale të matjes japoneze prej 7 nivelesh.
Tsunami shkaktoi dallgë të larta. Ndërkohë rreth dy milionë shtëpi në Japoni janë pa energji elektrike për shkak të tërmetit, shifër kjo e raportuar nga kompania kombëtare e energjisë elektrike.
Tërmeti ishte me epiqendër në det në një thellësi prej 60 kilometrash dhe u shënua në orën 23:36 me orën lokale (15:36 me orën tonë). Lëkundjet u ndjen edhe në Tokio, ku mbi 700 mijë shtëpi janë pa energji elektrike.
Për momentin nuk është e qartë nëse janë regjistruar dëme në termocentralin bërthamor të Fukushimës, skenë e aksidentit më të rëndë bërthamor në histori, i shkaktuar nga një tërmet i fuqishëm i ndjekur nga një cunami më 11 mars 2011.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
