Sekretari amerikan i Shtetit, Mike Pompeo, ka mbërritur në Penian për një takim me funksionarë të lartë shtetërorë, në prag të samitit mes presidentit Trump dhe liderit të Koresë së Veriut, Kim Jong-un.
Lajmin e bën të ditur agjencia Yonhap, e cila citon një funksionar të zyrës presidenciale të Seulit. Me rastin e vizitës së Pompeos, Koreja e Veriut do të lirojë tre qytetarë amerikanë që mbahen prej kohësh atje. Pompeo pritet të kthehet në SHBA së bashku me ta si edhe me elementët e parë të takimit mes Trump dhe Kim.
Kjo është vizita e dytë në më pak se një muaj që sekretari amerikan i Shtetit zhvillon në Penian. Vizita e parë ishte ajo që zhvilloi për Pashkë, kohë kur mbante postin e kreut të CIA-s. ditët e fundit, Trump ka bërë të ditur se vendi i takimit me Kim është zgjedhur. Mediat amerikane kanë hamendësuar se ky vend do të jetë Singapori, ndërsa data dhe orari i takimit pritet të përcaktohen gjatë qëndrimit të Pompeos në Penian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
