Vijojnë akuzat në distancë mes Prishtinës dhe Ankarasë sa i takon çështjes së gylenistëve. Reagimi i fundit vjen nga Turqia përmes ministrit të Jashtëm Mevlut Çavushoglu, i cili sërish është treguar i ashpër në deklaratën e tij drejtues vecanërisht udhëheqësve të Kosovës.
"Kosova hyri në telashe. Por pse Kosova? Ka dy shkaqe; e para FETO. Kanë infiltruar në pikat më të thella të çdo institucioni. Pse i larguan nga detyra disa? Ja njëri prej atyre që erdhi, rrëfeu: Jemi duke i shkolluar fëmijët e atyre, prandaj. I marrin fëmijët e tyre, i marrin fëmijët e elitës. Ato hyjnë në institucionet shtetërore dhe kontrollojnë brenda", deklaroi Çavushoglu.
Për shefin e diplomacisë turke, kjo situate jo vetëm ka lëkundur marrëdhëniet miqësore mes vendeve, por sipas tij, pasoja më afagjata e presin Kosovën.
"Nuk i pranojmë as fjalimet që i bëjnë ndaj Turqisë. Përgjigja e miqësisë, vëllazërisë dhe mbështetjes nuk duhet të jetë kjo. A jeni miku i dy pabesëve, ose i Turqisë? Ne gjatë historisë kemi qenë mik dhe vëllezër. Në rast se Kosova nuk mund të shpëtohet nga kjo vorbull ku ka rënë, bëhet shtet nën kontrollin e FETO-s. Jemi të detyruar si Turqi t'i tregojmë këto të fakte", theksoi shefi i diplomacisë turke.
Në fjalimin e tij në mbledhjen e Dhomës së Tregtisë dhe Industrisë në Alanya, minisri i Jashtëm turk u ndal ti kujtonte Kosovës se Turqia është investitori i tretë më i madh atje dhe se është e para që njohu pavarësinë, ndërsa vazhdon të lobojë për të kudo në Botë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
