Arkeologët kanë gjetur një sarkofag (kuti mbajtëse/kontenier varrimi për trupin e të vdekurit, të cilët kryesisht janë të gdhendur në gur) të lashtë plumbi nën katedralen Notre Dame, duke ofruar një pasqyrë të re në historinë e ndërtesës e cila aktualisht është në rindërtim pas një zjarri shkatërrues në 2019.
Notre Dame, e cila daton në shekullin e 12-të, porositi punimet e gërmimit brenda katedrales si një masë paraprake përpara instalimit të skelave të nevojshme për të restauruar një kreshtë të çatisë prej druri 100 metra të lartë.
‘Janë zbuluar mbetje me cilësi të jashtëzakonshme shkencore," tha Ministrja e Kulturës e Francës Roselyne Bachelot, duke shtuar se punimet e gërmimit janë zgjatur deri më 25 mars.
Vendi i gërmimit shtrihet nën një shtresë guri që daton nga shekulli i 18-të, por disa nivele më të ulëta shkojnë deri në shekullin e 14-të dhe disa edhe në fillim të shekullit të 13-të, tha Ministria e Kulturës.
Christophe Besnier nga Instituti Kombëtar Arkeologjik i Francës tha: "Ne ishim në gjendje të dërgonim një kamerë të vogël brenda e cila tregonte mbetje rrobash, lëndë organike si flokët dhe mbetjet bimore".
Arkeologët thanë se sarkofagu ndoshta i përkiste një personaliteti të lartë dhe thanë se mund të datojë në shekullin e 14-të, gjë që nëse konfirmohet do ta bënte atë një gjetje spektakolare.
Gërmimet zbuluan gjithashtu një gropë menjëherë poshtë dyshemesë së katedrales, e cila ka të ngjarë të ishte bërë rreth vitit 1230, kur Notre Dame, një nga shembujt më të vjetër të gotikës franceze, ishte në ndërtim e sipër.
Zjarri i Notre Dame tronditi Francën, me parisienët e përlotur dhe turistët e habitur që shikonin me mosbesim teksa flakët rrëzuan majën e katedrales.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
