Kompania gjigande e minierave ‘Vale’ në Brazil është dënuar të dëmshpërblejë me 7 miliardë dollar familjet e 270 personave të cilën humbën jetën nga një katastrofë në 2019.
Më konkretisht bëhet fjalë për shembjen e digës Brumadinho, e cila përmbante mbeturina nga një minierë xehesh hekuri. Kur ajo u shemb shpërtheu një baltë e cila gllabëroi zyra, një mesnë punëtorësh dhe shumë ferma në fshatin në fjalë.
Aktualisht stafi më i lartë i kompanisë po përballet me akuzën e vrasjes.
Qeveria braziliane njoftoi se ‘Vale’ është dënuar të ‘kompensojë plotësisht’ katastrofën. Madje mund të paguajë më shumë se ç’është vendosur në shifrën fillestare.
"Marrëveshja kërkon që Vale të rregullojë plotësisht të gjitha dëmtimet mjedisore. Shuma e sipërpërmendur ... mund të rritet nëse është e nevojshme," u lexua në një deklaratë.
Vale tha se do të paguante si dëmshpërblime "socio-ekonomike" dhe "socio-mjedisore", duke financuar projekte për të riparuar mjedisin përreth, duke përfshirë një pastrim masiv të lumit Paraopeba.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
