Sekreti për një jetë më të gjatë dhe më të shëndetshme mund të fshihet në një resort në Zvicër.
Krahas të gjithë elementëve të zakonshëm që do të prisnit nga llixhat e zakonshme, Clinique La Prairie ndërthur luksin e nivelit të lartë me trajtimet pioniere të teknologjisë kundër plakjes për të rritur jetëgjatësinë e klientëve.
Qendra u themelua në vitin 1931 nga Profesor Niehans, një pionier në zhvillimin e terapisë qelizore. Trajtimet në këtë qendër bazohen në "shkencën rinovuese të terapisë qelizore". Gjithashtu, Clinique La Prairie ofron testimin e ADN-së për një diagnozë shumë të personalizuar.
Por resorti nuk është për të gjithë: Një qëndrim shtatë-ditor kushton 40 200 franga (37 321 €).
Klinika ndodhet në Montreux në brigjet e Liqenit Leman - një rajon i njohur gjithashtu si 'Riviera Zvicerane', pasi Alpet madhështore zvicerane dhe franceze rrethojnë liqenin.
Mysafirët mund të qëndrojnë në një nga 35 dhomat dhe suitat luksoze, dhe klinika është vetëm një orë me makinë nga aeroporti i Gjenevës, dhe lidhet me Milanon dhe Parisin nga rrjetet e trenave me shpejtësi të lartë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
