Dy të burgosur arritën të rifitonin lirinë pasi u arratisën nga burgu i Pentonvillit në Britani ditën e djeshme. Mungesa e tyre në burg është vënë re vetëm mëngjesin e sotëm, pasi gardianët gjetën dy manekinë në krevatet ku ata flinin. Ata kishin prerë hekurat e qelisë me një pajisje me përbërje diamanti dhe ia kanë dalë të arratisen.
Ata vuanin dënimin në të njëjtën pjesë të burgut ku pak javë më parë është vrarë një i dënuar. Ministria e Drejtësisë në Britani njoftoi dje se dy të dënuar ishin arratisur dhe kërkoi bashkëpunimin e qytetarëve për t’i kapur sërish.
Arratisja e tyre të kujton filmin “Arratisje nga Alkatrazi”, me aktorin Klint Istvud. Filmi tregon historinë e vërtetë të arratisjes së të dënuarve, pasi vendosën në krevatet e tyre topa letre të mbuluar me flokë që i morën nga berberi i burgut.
Pentonvill është një burg i kategorisë B në veri të Londrës. I hapur në vitin 1842, ai mban rreth 1200 meshkuj të burgosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
