Parlamenti nuk ka gjasa që të mbajë një raund të dytë të votimit detyrues mbi marrëveshjen e Brexit të Theresa May deri në shkurt, ka thënë Downing Street, duke ulur rëndësinë e mocionit që do të votohet javën e ardhshme.
Zëdhënësi i May tha se votimi që do të mbahej më 29 janar nuk ishte "një votim i dytë kuptimplotë" dhe mocioni i qeverisë nuk do të përshkruante në detaje fazën tjetër të planit të kryeministres për të arritur një marrëveshje për Brexit në parlament.
Në vend të kësaj, ka të ngjarë të jetë një mjet për zgjidhje të shumta nga deputetët e pozitës dhe të opozitës, të cilët do të përpiqen ta ndryshojnë atë. Downing Street tha se kryeministrja do të vazhdojë të mbajë bisedime me deputetët e partive të tjera, shkruan Guardian.
Nga ana tjetër kryeministrja britanike, Theresa May është në kërkim të një mënyre për zhbllokimin e Brexit, marrëveshja e arritur nga May me Bashkimin Europian që u refuzua nga deputetët britanikë javën e kaluar.
Kryeministrja po shpreson të fitojë mbështetjen e deputetëve të partistë së saj Tory dhe deputetëve të DUP duke zgjidhur shqetësimet e tyre mbi planin "backstop" për kufirin irlandez, njofton BBC.
Javën e kaluar, May tha se do të përqëndrohet në bisedimet ndërpartiake për të arritur një marrëveshje të Brexit që do pranohet nga Parlamenti.
“Backstop” është "politika e sigurimit" në marrëveshjen e tërheqjes, me qëllim që të sigurohet se çfarëdo që të ndodhë, nuk do të ketë ndryshim në kufirin midis Irlandës së Veriut dhe Republikës Irlandeze pasi Britania e Madhe të largohet nga BE.
Si Mbretëria e Bashkuar dhe BE besojnë se kthimi i kontrolleve kufitare mund ta rrezikojë procesin e paqes. Por mënyra e shmangies së këtyre kontrolleve duhet të bihet dakort.
May mbajti një takim me kabinetin e saj të dielën. Kuptohet se ajo dëshiron të tregojë BE-në se deputetët mund të mbështesin një marrëveshje pa një ndalesë, me shpresën e inkurajimit të Brukselit për të zbutur qëndrimin e saj.
Norman Smith, redaktor politik i BBC, tha se dikush që pret një Plan B do të ishte "i mbërthyer në stacionin e autobusit për një kohë shumë të gjatë".
Ai tha se raportet gjatë fundjavës për mundësinë e një marrëveshjeje dypalëshe me Republikën Irlandeze ose një rishkrimit të Marrëveshjes së Premtes së Mirë, ishin "zhvendosur" nga të dy qeveritë.
"Është kthyer prapa dhe po përpiqet të gjejë një lloj zbulimi", shtoi ai.
Qeveria e May miratoi një marrëveshje tërheqjeje me BE në nëntor duke mbuluar tema të tilla si "ligji i divorcit" dhe kufiri irlandez por u refuzua nga deputetët me shumicë prej 230 votash.
Nëse Parlamenti nuk miraton një marrëveshje tërheqjeje, Britania e Madhe duhet të largohet nga BE më 29 mars pa një marrëveshje ose periudhë tranzicioni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
