Në kushtet e masave ajrore të nxehta dhe të thata do të mbetet sërish vendi ynë dhe për pasojë moti i kthjellët dhe i nxehtë do të jetë dominant. Temperatura ekstremisht të larta priten në zonat qendrore dhe jugore ku shumë qytete do të shënojnë vlera 40 apo mbi 40 gradë C.
Sipas MeteoAlb, orët e pasdites do të sjellin vranësira të lehta e kalimtare në zonat veriore dhe qendrore duke lënë pjesën tjetër të territorit në ndikimin e motit të kthjellët.
Temperaturat e ajrit do të jenë shumë të larta duke arritur deri në 40 gradë C, zonat më të nxehta paraqiten zonat qendrore dhe jugore të vendit. Era do të fryjë e lehtë si në tokë dhe në det me shpejtësi 20 km/h nga drejtimi jugor dhe jugperëndimor, për pasojë në brigjet detare do të gjenerohet dallgëzim i ulët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
