Sekretari Amerikan i Shtetit, Michael Pompeo, ka dërguar mesazh për Shqipërinë me rastin e 28 Nëntorit, ditës së Pavarësisë së Shqipërisë, teksa shprehu ngushëllimet më të thella për ata që humbën jetën gjatë tërmetit të kësaj jave.
Në mesazhin e tij, Pompeo u uron shërim të shpejtë të gjithë të prekurve, ndërsa thekson së Shtetet e Bashkuara do të qëndrojnë në krah të Shqipërisë.
Në mesazhin e tij, Pompeo thekson se Shtetet e Bashkuara mbështesin me forcë rrugën e Shqipërisë drejt integrimit europian dhe përgëzojnë vendosmërinë e vendit në arritjen e këtij qëllimi.
“Miqësia midis Shteteve të Bashkuara dhe Shqipërisë qëndron si një shtyllë e qëndrueshme paqeje dhe stabiliteti, dhe ne mirëpresim akoma edhe më shumë vite miqësie dhe bashkëpunimi”, thuhet në mesazh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
