Presidentja e Kosovës, Vjosa Osmani, deklaroi në një intervistë për “The Sun” Online se Serbia po përdor taktikat ruse për të frikësuar Kosovën.
Osmani thotë se Serbia po synon të marrë territorin e Kosovës, ashtu sikundër bëri Rusia me Krimenë, duke paralajmëruar se një situatë e rrezikshme po krijohet në Ballkan.
Kryetarja e shtetit u shpreh se Beogradi po armatos dhe financon grupe paraushtarake.
“Të gjitha këto tregojnë se është pikërisht i njëjti plan si ai i Putinit për Krimenë”, ka thënë ajo.
Osmani kërkoi vijimin e mbështetjes nga Perëndimi, duke paralajmëruar se konflikti në Ballkan do të destabilizojë më tej një Evropë tashmë të brishtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
