Ligji anti-LGBTQ i Hungarisë, provë për BE-në

Në më shumë se një dekadë kryeministri hungarez ka qenë në pushtet. Institucionet e pavarura, universitetet, shtypi dhe komunitetet e pakicave kanë qenë nën sulm të vazhdueshëm gjatë qeverisjes së tij. Këtë herë, është komuniteti LGBTQ i Hungarisë që është në vëmendjen e Orbanit dhe BE nuk ka gjasa të bëjë shumë për këtë.

Vendosja e taktikave të urisë kundër azilkërkuesve në institucionet e paraburgimit hungarez nuk ishte e mjaftueshme për të vendosur sanksione serioze kundër regjimit të Orbanit.

Në vitin 2019, aktivisti Imre Szijarto u takua me  Manfred Weber, atëherë kandidati i Partisë Popullore Europiane për president, i cili shprehu shqetësimin e tij për liritë akademike.

Në fund të fundit, ky “shqetësim” nuk ishte i mjaftueshëm as për largimin  e partisë Orban Fidesz nga grupi më i fuqishëm politik i BE-së. Ishte kryeministri hungarez ai që në fund të fundit prishi marrëdhëniet  me EPP, shkruan Politico.

Tashmë ka një ligj anti-LGBTQ të stilit Putin në një vend anëtar të BE-së. Ku mbaron e gjithë kjo?

Hungaria nuk ka qenë kurrë një fener i lirisë LGBTQ. Në vitin 2013 puthja me dikë me të njëjtës gjini ishte një "veprim i pahijshëm".

Shtimi i këtij ligji të ri toksik, i cili lidh homoseksualitetin me pedofilinë, në krye të një mjedisi tashmë armiqësor, jo vetëm që do të kufizojë lirinë e shprehjes së LGBTQ + dhe aleatëve të tyre, por mund të shkaktojë një valë dhune si ajo që pamë në Rusi pas miratimit të një ligji të ngjashëm.

Si mundet që BE të vazhdojë ta quajë veten një "bashkësi vlerash" nëse lejon demonizimin e qartë të një komuniteti tashmë të margjinalizuar dhe një shkelje të qartë të Kartës së saj të të Drejtave Themelore? Nëse BE do të jetë diçka më shumë sesa një bllok tregtar, institucionet e BE-së, si dhe vendet individuale anëtare duhet të përdorin të gjitha mjetet në dispozicion të tyre për të ushtruar presion maksimal mbi regjimin Orban derisa të shfuqizohet ky ligj i turpshëm.