Qeveria argjentinase ripohoi pretendimet për sovranitetin e saj mbi arkipelagun e Ishujve Falkland (Islas Malvinas në emrin argjentinas), duke e konsideruar pushtimin britanik të paligjshëm.
“Më 3 janar 1833 Ishujt Malvinas u pushtuan ilegalisht nga forcat britanike. Ky veprim përbënte përdorim të forcës në kohë paqeje, në kundërshtim me ligjin ndërkombëtar”, thuhet në një deklaratë të lëshuar nga Ministria e Punëve të Jashtme në Buenos Aires.
Qeveria argjentinase shprehet se është e gatshme të hapë negociatat dypalëshe që çojnë në një zgjidhje të mosmarrëveshjes territoriale dhe është e interesuar të mbajë një marrëdhënie konstruktive me Britaninë e Madhe, përfundon deklarata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
