“Qiproja nuk do ta njohë kurrë Kosovën”

Qiproja nuk do ta njohë kurrë Kosovën. Mediat serbe citojnë kështu ministrin e Jashtëm qipriot, i cili ka pasur dje një takim me homologun serb.

Ivica Daçiç dhe shefi i diplomacisë qipriote, Nikos Hristodulidis, janë takuar dje në Nikozi dhe kanë biseduar për marrëdhëniet ndërmjet dy vendeve, njofton “Blic” i Serbisë.

Sipas këtij portali, Daçiç e ka informuar kolegun qipriot për dialogun ndërmjet Serbisë e Kosovës, ndërsa Hristodulidis e njoftoi shefin e diplomacisë serbe lidhur me problemin e ndarjes së Qipros.

Ministri Hristodulidis ka përsëritur se “Qiproja kurrë nuk do ta njohë pavarësinë e Kosovës”.

Qiproja është një prej pesë shteteve të BE-së që nuk e kanë njohur Kosovën, bashkë me Spanjën, Rumaninë, Sllovakinë dhe Greqinë.