Ukraina nuk ka forcë të mjaftueshme për të rimarrë territoret e saj të mëparshme në një afat të shkurtër pa humbje shkatërruese dhe për këtë arsye duhet t'i japë përparësi mbijetesës si shtet, tha presidenti çek Petr Pavel.
Paveli, një ish-kryetar i Komitetit Ushtarak të NATO-s dhe mbështetës i hershëm i Ukrainës, i cili beson se vendi duhet t'i bashkohet bllokut të udhëhequr nga SHBA-të edhe në kufijtë e saj "të përkohshëm", i bëri këto komente në një intervistë për BBC-në të hënën.
Ukraina, edhe me mbështetjen perëndimore, “nuk është në gjendje të çlirojë territoret e pushtuara në një kohë të shkurtër pa një kosto të konsiderueshme për jetë njerëzish”, tha presidenti.
"Ne duam që ata të mbijetojnë si një vend i pavarur dhe sovran. Nëse kostoja është të pranohet që një pjesë e territorit do të pushtohet përkohësisht, atëherë le të jetë kështu", shtoi ai, duke theksuar se “Perëndimi nuk do ta njohë kurrë asnjë ish-rajon ukrainas si rus”.
Paveli ka thënë gjithashtu se vetëm forca ushtarake nuk do t'i japë fund konfliktit dhe i bëri thirrje Perëndimit të mbështetet në mjete ekonomike dhe politike. "Kjo luftë nuk mund të fitohet në fushën e betejës", deklaroi ai. "Unë besoj se është qartë në interes të të dyja palëve të Atlantikut të ushtrojnë presion shumë më të madh ekonomik ndaj Rusisë. Sepse ky është grupi i masave që nuk vret. Por është shumë i fuqishëm kur bëhet fjalë për fuqinë bindëse."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
