Emisioni Xhadat trajtoi rastin e motrave Emiljana dhe Xhuljana Rrethaj, të cilat zyra e gjendjes civile Shkodër i ka bërë motra binjake, ndonëse kanë gati tre vite diferencë mes tyre.
Ky gabim i institucioneve i ka kushtuar shumë dy motrave, të cilat kanë mbetur pa shkollë e tani pa punë.
Ndonëse vetë zyra e gjendjes civile duhet të kishte korrigjuar gabimin e saj, vajzat me kërkesë të kësaj të fundit ju drejtuan gjykatës.
Gjykata e Shkallës së Parë Shkodër më 9 shtator 2019 vendosi detyrimin e zyrës së gjendjes civile Pult të bënte ndryshimet përkatëse në regjistrin kombëtar të gjendjes civile, bazuar në të dhënat e lindjes së vajzave në maternitet. Vendimi i Gjykatës së Shkallës së Parë Shkodër u apelua nga Zyra e Gjendjes Civile Plug, me pretendimin se gabimi nuk është bërë prej saj. Çështja ndodhet në Gjykatën Administrative të Apelit Tiranë, ku prej tre vjetësh, pret radhën për tu shqyrtuar. Stoku i dosjeve ka bërë që kjo gjykatë të jetë duke shqyrtuar akoma çështjet e regjistruara në vitin 2016.
Në një intervistë për emisionin Xhadat avokati Erald Aga u shpreh se në tentativë për tu zgjidhur, çështja është ngatërruar edhe më keq nga institucionet.
Shikoj që dhe pala tjetër që e ka ankimuar, që është Zyra e Gjendjes Civile Pult, ka kryer një ankim duke pretenduar që nuk e kanë lëshuar këto aktin e lindjes, po e ka lëshuar Zyra e Gjendjes Civile Bashkia Shkodër.
Në këto kushte është një situatë e vështirë.
Për avokatin edhe nëse vendimi i gjykatës lihet në fuqi nga Gjykata Administrative e Apelit, do të jetë i pazbatueshëm, pasi aktin nuk e ka lëshuar Zyra e Gjendjes Civile Pult, por Zyra e Gjendjes Civile Arkiva Shkodër.
Një nga zgjidhjet sipas tij, mund të jetë ndërmjetësimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
