3 persona kanë grabitur me armë kallashnikov selinë e Fi Bank në zonën e ish-Parkut në Tiranë.
Gazetari Arsen Rusta në një lidhje me studion e MCN Live tha se dyshohet se ka të plagosur dhe se një prej autorëve është arrestuar nga policia.
Dy grabitësit e tjerë dyshohet se janë larguar me një sasi të konsiderueshme parash.
Rusta bën me dije se një person ka mbetur i plagosur nga përplasja fizike me rojën e sigurisë.
Në momentin që është kryer grabitja në bankë ka pasur shumë qytetarë që po kryenin veprimet e tyre.
Në njoftimin e policisë thuhet:
Rreth orës 11:15, në Rrugën e Kavajës, shtetasi B. F., rreth 58 vjeç, dyshohet se ka hyrë në ambientet e një banke, me qëllim vjedhjen e saj, duke qëlluar me armë zjarri, në dysheme. Nga të shtënat nuk ka shtetas të dëmtuar. Shërbimet e Policisë kanë ndërhyrë menjëherë pas marrjes së njoftimit dhe kanë bërë të mundur kapjen e autorit të dyshuar në tentativë për tu larguar nga vendi i ngjarjes. Autori i dyshuar është shoqëruar në Komisariat. Gjithashtu, është sekuestruar arma e zjarrit. Në përfundim të veprimeve hetimore do të jepet informacion më i plotë për rastin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
