Kancelari gjerman Olaf Scholz thotë se lufta është një katastrofë për Ukrainën, por do të tregohet e tillë edhe për Rusinë.
Duke folur në Bundestagun gjerman gjatë së dielës, në një seancë të jashtëzakonshme, ai dënoi veprimet e Presidentit rus.
“Putin, nuk do të ndryshojë kursin e tij, nga njëra ditë në tjetrën. Por po jepen efektet e para në bursë, sanksionet po veprojnë dhe do të ketë të tjera. Jemi në krah të Ukrainës dhe në anën e duhur të historisë. Duhet ta mbështesim Ukrainën, në këtë situatë të dëshpëruar. Ukrainasit po luftojnë për liri dhe demokraci, vlera të cilat ne i bashkëndajmë. Dje morëm vendim për të dërguar armë në Ukrainë. Përballë agresionit të Putin, nuk mund të kishte përgjigje tjetër”, u shpreh Scholz.
Ndër të tjera tha se bota po përjeton një ndryshim epokal të historisë dhe se nuk është më si më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
