Frikë në rritje për gjendjen e reperit iranian Tomaj Salehi, i cili u arrestua javën e kaluar dhe u detyrua të bënte një video-rrëfim me anë të së cilit alarmoi familjen dhe aktivistët e të drejtave të njeriut.
Sipas CNN, reperi është akuzuar për krime për të cilat rrezikon dënimin me vdekje.
Shumë i ndjekur në vendin e tij dhe i pozicionuar në mbështetje të protestave të gjera që bëjnë thirrje për fundin e Republikës Islamike për shtatë javë, Salehi u transferua në burgun famëkeq Evin në Teheran, sipas raportimeve nga familja e tij.
Xhaxhai i tij Iqbal Iqbali tha se, ditët e fundit familja ka shkuar në burgun e Dastgerdit në Isfahan, ku mësohet se Salehi është “transferuar në Evin”, burgu ku mbahen të burgosurit politikë.
Ai është në duart e zyrtarëve të inteligjencës, nuk lejohet të telefonojë apo të presë vizitorë.
Iqbali jep kështu alarmin për sigurinë e këngëtarit, jeta e të cilit, sipas xhaxhait, ndodhet në rrezik.
Më shumë shqetësuese është edhe video-rrëfimi, sipas familjes i marrë me forcë, në të cilën Salehi thotë se “pendohet”, ku shfaqet me sy të lidhur, me shenja dhune dhe i ulur në gjunjë.
Videoja u publikua nga mediat e lidhura me regjimin, por menjëherë në rrjetet sociale në gjuhën Farsi u nis një fushatë për të mos e shpërndarë:
Qëllimi i këtyre imazheve është të krijojë frikë dhe dëshpërim, mos i shpërndani.
Kështu shkroi në Twitter, Hichkas, i konsideruar si “babai i repit persian”, i cili ndodhet në mërgim jashtë vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
