Presidentja e Sllovenisë, Natasa Pirc Musar tha gjatë një konference të përbashkët për shtyp në Tiranë me presidentin shqiptar, Bajram Begaj se Shqipëria ka shënuar sukses në luftën kundër korrupsionit dhe se kjo do i shërbejë vendin në rrugëtimin drejt BE-së.
SPAK është duke bërë një punë të mirë në luftën kundër krimit dhe korrupsionit, kjo duhet vlerësuar dhe parë se i shërben Shqipërisë për rrugëtimin drejt BE”. Më kënaq lufta juaj kundër korrupsionit, SPAK-u juaj ka një besim të çmuar. Shpesh them se asnjë shtet nuk është imun ndaj korrupsionit dhe krimit, as shteti im është i tillë dhe besoj se një rrugë e tillë është e njëjtë.
Në fjalën e tij, presidenti Begaj tha se për Shqipërinë është jetike anëtarësimi në BE.
Objektivi 2030 për tu futur në BE është e rëndësishme, por nuk është aq e rëndësishme data se sa është e rëndësishme ëndrra. Ju e dini që Shqipëria ka kaluar me sukses kapitujt e parë të negocimit. Kjo është e lidhur me vendet e Bashkimit Europian. Për Shqipërinë është jetike anëtarësimi, dhe për BE integrimi i Shqipërisë dhe Ballkanit Perëndimor duhet të jetë strategjik. Detyra jonë është të bëjmë mirë reformat. Është një objektiv që mund të arrihet në 2030, mund të arrihet edhe më shpejt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
