Akuza ka kërkuar dënimin me burgim të përjetshëm për dy të rinjtë shqiptarë Igli Meta e Marijo Mema, të dy 20 vjeç, të cilët dy vjet më parë vranë në Itali Ismael Lulin, 17 vjeç. Prokurorja e çështjes e ka cilësuar krimin si “një vrasje makabër e kryer me gjakftohtësi”.
Sipas saj, dy të rinjtë shqiptarë kanë treguar indiferencë totale për vlerën e jetës. Ata meritojnë dënim të përjetshëm për vrasje me paramendim në rrethana rënduese, dhunim të kufomës dhe shpërndarje të lëndëve narkotike.
Nëna e viktimës, Debora Luli, është shprehur e kënaqur me kërkesën e prokurorisë.
Ngjarja ka ndodhur më 19 korrik 2915 në kodrat e Sant'Angelo in Vado, Itali. Gjithçka është planifikuar si një hakmarrje për Ismaelin, i cili kishte një lidhje sekrete me të dashurën e Iglit. Por ky i fundit u përpoq t’ia hidhte fajin bashëkpunëtorit Marijo Mema, për të cilin tha se i kishte prerë fytin 17-vjeçarit. Por hetimet nxorën se ka qenë vetë Igli ai që kreu vrasjen. Vendimi pritet më 12 prill.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
