Gjatë një komunikimi me mediat, kryeministri Rama tha se në katër vitet e mandatit të dytë, “armiku” i vërtetë do të jenë abuzuesit me pushtetin. Duke iu referuar si “lulet mos më prek”, Rama tha se në emër të koalicionit me qytetarët, lufta ndaj zyrtarëve që poshtërojnë njerëzit e thjeshtë në zyrat e shtetit do të jetë e pamëshirshme.
“Lulet mos më prek” nuk duhet të preken sepse nuk kanë parë gjë akoma. Ne po ndërtojmë një mekanizëm ferri për ata që paguhen me paratë e shqiptarëve, por i poshtërojnë ata në zyrat e shtetit. Platforma e koalicionit me qytetarët do të jetë online në momentin e formimit të qeveris së re. Për ne në 4 vitet e ardhshme, opozita janë grabitqarët në zyrat e shtetit. Ata do të jenë armiqtë tanë”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
