Presidenti francez Emmanuel Macron ka argumentuar se dislokimet e trupave në Ukrainë nga anëtarët e NATO-s dhe aleatët e tjerë nuk mund të përjashtohen sepse fuqitë perëndimore nuk duhet të ndalen para asgjëje për të siguruar që Rusia të mos mposht forcat e Kievit.
"Nuk ka konsensus sot për të dërguar, në mënyrë zyrtare, trupa në terren," u tha Macron gazetarëve, pasi priti një takim të liderëve evropianë të hënën në Paris. “Por në aspektin dinamik, nuk mund të përjashtojmë asgjë. Ne do të bëjmë gjithçka që është e nevojshme për të parandaluar fitoren e Rusisë në këtë luftë.”
Franca priti të hënën samitin e mbështetësve të Ukrainës për të demonstruar mbështetje të palëkundur dhe unitetin evropian mes shqetësimeve se ndihma e SHBA për Kievin mund të ndalet, veçanërisht nëse Donald Trump fiton zgjedhjet presidenciale të këtij viti. Macron tha se ndërsa aleatët evropianë të Ukrainës duan të shmangin përshkallëzimin e konfliktit në një luftë të drejtpërdrejtë me Rusinë, ata pajtohen se duhet të bëjnë më shumë për të siguruar që Moska të mos fitojë.
“Ne duhet të bëjmë një vlerësim të situatës dhe të kuptojmë se siguria jonë kolektive është në rrezik”, tha udhëheqësi francez. “Rusia nuk duhet të fitojë, jo vetëm për Ukrainën, por së dyti, ne, duke e bërë këtë, po sigurojmë sigurinë tonë kolektive për sot dhe për të ardhmen”, shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
